my first support group meeting :)

أمس كان أول حضور لي انا و حمودي لأجتماع الأمهات الحاضنات في بيت الغالية

زينة السلطان (أم وهابي)

علشان  يتم النقاش في أمور الأطفال و احتياجاتهم ونكون مجموعة Support Group  نجتمع مع بعض شهريا

و نتبادل الخبرات فيما بيننا

على الرغم من اني كنت ياية متأخر ! Sorry om whabi  :*

وصلت لبيتهم و كنت متوترة نوعا ما .. مادري ليش ...

لكن بس دخلت حسيت سبحان الله بدفى و حب و جو غير طبيعي ...

استقبالهم لي ... و كل ما اسلم على وحدة تاخذني بحضنها ... حسيت جنني اعرف هالناس من زمان ...

لقيت وجوه كلها نور و خير عسى الله يبارك لهم و بعيالهم الحلوين ...

الكلمة اللي أثرت فيني اني اول مادخلت قالتلي أم عبدالوهاب :

This is Our Hero !

ماقدرت انساها :)

قعدنا وحطينا عيالنا الحلوين يلعبون ..و بدت معانا أم عبدالوهاب الاجتماع  اللي يغلب عليه الجو العائلي و خالي من الرسميات ..

بدت كل وحدة منهم تتكلم عن تجربتها في الأحتضان ...

واللي حللى القعدة اكثر تواجد الشيخة أوراد الصباح الله يحفظها

كان اكثر سؤال سالوني إياه الامهات : شلون قررتي الاحتضان و انتي بهالعمر  :)

و بعد ما تكلمنا و تناقشنا و اتفقنا ان إن شاءالله اجتماعنا بيكون شهري تقوم فيه كل أم بنقل تجربتها مع التغيرات و المشاكل اللي واجهتها خلال هذه الفترة ، مستعينة بتجربة الأم الحاضنة اللي لها خبرة أكثر ..

أحب أشكر كل الأمهات الرائعات اللي حضروا امس ... و أقولهم أنتوا صج Special mothers  ويارب يحفظلكم أطفالكم الرائعين

و شكرا لج يا ام وهابي على استضافتج لي في بيتج الرائع عسى ربي يحفظلج عيالج

وللمسيرة بقية بإذن الله :)

أم حمودي